Fake Account

 శీర్షిక:Fake Account

మనిషి మాయమైతుండు

మాయ లాంటి ఆత్మోక్కటి

నిజమవుతుందంటే

మీరు నమ్ముతారా...?

ఇప్పుడు మనిషి Profile లో 'మనిషి' తనమే 

చస్తుందంటే మీరు నమ్ముతారా...?

Social media ఖాతాలే

మనిషి ఆత్మలయ్యాయి..

మనిషి కదలికే Internet తో అంటే

మీరు జీర్ణించుకొని నమ్మండి

లేదంటే మిమ్మల్ని నేను unfollow చేస్తా.

ఇంట్ల బంధాల్ని విడిచి Social Media లోనే 

నీవు నేను కాలమేల్లదిస్తున్నాం..

ఇప్పుడైనా నమ్ముతారా? నమ్మలేదు అనుకో 

మీ Post కి likes కొట్టను చూడండి!

కాలం మారుతుందా? మనిషి మారుతుండా!

రక్తం కారిన చోటికి సహాయం, ఓదార్పు 

Text లో అందుతుందేమి?రేపు మనకు మరి?

Lkg పిల్లల ఏడుపులకూ

గోరుముద్దలు,చందమామ కథలు ఏమయ్యాయి...

పోని పండు ముసలి దావకానలో ఉంటే 

ఒక టెంకాయనో, బ్రెడ్ ప్యాకెట్ ఇచ్చి

మాట్లాడే మాటలేవి‌‌...?నేనున్నా అనే స్పర్శాను

ఏ 5G,6G రాకాసి కాలాలు ఏత్తుకెళ్లాయి?

బ్రతికే స్తోమత లేక దేశం పోయినవారి

కథల్లో నెలకొక ఉత్తరం ఇరువైపుల

కన్నీళ్లను కార్చేది బాధ్యతను పెంచేది.

ఇప్పుడు పక్క గది నుంచి 

మాటకు బదులు message అందుతుందనుకుంటా?

హా! మీరు నమ్మేశారు Msg చేసుకుందాం.

ఈ Digital అక్షరాస్యులు 

ఒక Account నుండి మరో account కి మారగలరూ...నిమిషానికో భావోద్వేగం

క్షణాల...సమయం, చేతులే ఆయుధాలు.

మరి

తాపీ పట్టిన నాన్న

గట్లు చెక్కే నాన్న

కొలిమి పెట్టే నాన్న

కుండ చేసే నాన్న

ఇలా నాన్నలందరూ కాలాలు మారిన పని ఒక్కటే 

చేతి వేళ్లకు చిల్లులు పడడమే....

నాన్నా...

message లకు ఏలా 

సమాధానం ఇవ్వాలి?

మరి

కంకి కోసే అమ్మలు

రోడ్లు ఊడ్చే అమ్మలు

కూరగాయలు అమ్మే అమ్మలు

ఇలా అమ్మలకు కష్టంలో చేతులు బొబ్బలేకోచ్చు

ఇంట్లోనే social media దేశంలో ఉన్న 

తన పిల్లలకు అమ్మ కష్టం ఎలా చెప్పుకోవాలి?

పోని అరిచి అరిచి చెంబెడు నీళ్లు తెమ్మనిచెప్తే వినపడుతుందా?

ఏ Reel లోనో

'అమ్మ మీద తలవాల్చి నిద్రిస్తున్న బిడ్డ'

బోలెడన్ని likes, Mentions...

పక్క గదిలో ఉన్న అమ్మను అడిగామా

"అమ్మా తిన్నావావే" అని

అయ్యో  ఎవరైనా ఉన్నారా?

నాన్నకు అమ్మకు బోలెడన్ని Fake Accounts

వద్దు గాని ఒక Account create చేసి ఇవ్వాలి.

వాళ్ళు‌ ఒంటరి తనాన్ని మోయలేక

 Mood off, miss you లాంటివి 

status ,storys పెట్టుకుంటారేమో?

పోని 

మనలో ఎవరైనా మన Phone lock

అవ్వలకు తాతలకు నేర్పిద్దామా...

మన Phone లో వాళ్ళవి ఒక్క ఫోటో 

అయినా చూసి మురిసిపోతారు.

ఎందుకూ? ఈ online fake బ్రతుకులు?

మనిషికి మనిషికి దూరం పెరిగితే

చివరికి చావు సమయంలో ఎవరు ఉంటారు?

"Rest in peace" status తప్పా!

దండు వెంకట్ రాములు,

06/01/2024,